«Inter» bosh murabbiyi Simone Indzagi Italiya chempionatining 30-turi doirasida «Fiorentina» jamoasiga qarshi qayd etilgan durangdan keyin (1:1) jamoasini tanqid qildi.
“Birinchi bo‘limda biz yetarlicha harakat qilmadik, bizdek jamoa yaxshiroq ishlashi kerak. Tanaffusdan keyin o‘zimizni yaxshiladik, ko‘proq vaziyatlar yarata boshladik va ko‘proq gol urishimiz mumkin edi. Hozir eng yaxshi holatda emasmiz, so‘nggi yetti o‘yinda yetti ochko, bu bizga psixologik bosim o‘tkazayotgani aniq.
Men qoniqmadim, chunki biz o‘zimiz odamlarni bizdan ko‘proq narsa kutishga majbur qildik. Bizda bir necha mukammal oylar bor edi, keyin orqaga qarab ketdik, lekin yigitlar xotirjamlik bilan ishlashlari kerak.
Biz juda ko‘p vaziyatlar yaratamiz, shunchaki ularni to‘g‘ri foydalana olmayapmiz. Buni ayrim o‘yinchilarning yo‘qligida ayblash juda oson. Gap shundaki, ikkinchi bo‘limda biz raqibdan yaxshiroq o‘ynadik», — dedi Simeone Football Italia bergan intervyusida.
«Inter» 60 ochko jamg‘arib, A Seriya turnir jadvalida 3-o‘rinda bormoqda.
