Yulian Nagelsmann «Union Berlin»ni yirik hisobda mag‘lubiyatga uchratganidan keyin «Bavariya»ni tanqid qilishga asos topdi.
Myunxenliklar Bundesliganing 27-turida 4:0 hisobida g‘alaba qozonishdi.
“Albatta, natijadan mamnunman, lekin to‘liq emas. Birinchi bo‘limda o‘z darvozamiz oldida ikkita xavfli vaziyatga yo‘l qo‘ydik va to‘pni ham tez-tez yo‘qotdik. Lekin shu bilan birga darvozamiz dahlsizligini saqlab qoldik va 4 ta gol kiritdik. Bunday natijani rad etib bo‘lmaydi.
Men Levandovski bilan tez-tez gaplashaman, biz doimo fikr almashamiz. Bugun u juda yaxshi o‘ynadi. Biz uni jamoada olib qolishni istaymiz, lekin hammasi doim ham yaxshi bo‘lavermaydi.
Uning qolishni istamasligini his qilmayapman. Yakunda qaror birgalikda qabul qilinishi kerak. Muzokaralar albatta bo‘lib o‘tadi", - dedi "Bavariya" bosh murabbiyi Sky Sport Deutschland nashriga.
