Юлиан Нагельсманн «Унион Берлин»ни йирик ҳисобда мағлубиятга учратганидан кейин «Бавария»ни танқид қилишга асос топди.
Мюнхенликлар Бундеслиганинг 27-турида 4:0 ҳисобида ғалаба қозонишди.
“Албатта, натижадан мамнунман, лекин тўлиқ эмас. Биринчи бўлимда ўз дарвозамиз олдида иккита хавфли вазиятга йўл қўйдик ва тўпни ҳам тез-тез йўқотдик. Лекин шу билан бирга дарвозамиз даҳлсизлигини сақлаб қолдик ва 4 та гол киритдик. Бундай натижани рад этиб бўлмайди.
Мен Левандовски билан тез-тез гаплашаман, биз доимо фикр алмашамиз. Бугун у жуда яхши ўйнади. Биз уни жамоада олиб қолишни истаймиз, лекин ҳаммаси доим ҳам яхши бўлавермайди.
Унинг қолишни истамаслигини ҳис қилмаяпман. Якунда қарор биргаликда қабул қилиниши керак. Музокаралар албатта бўлиб ўтади", - деди "Бавария" бош мураббийи Sky Sport Deutschland нашрига.
