FiveThirtyEight algoritmi asosida ishlaydigan Superkompyuter Yevropa chempionlar ligasining joriy mavsumida jamoalarning chempionlik uchun imkoniyatlarini chamaladi. Xabaringiz bor, hozirda chorak finalga chiqqan 8 jamoaning nomi ma’lum.

Ular orasida g‘oliblik uchun eng yuqori imkoniyatga "Manchester Siti" klubi ega deya taxmin qilindi. Gvardiola shogirdlarining imkoniyati 28 foizga baholandi. Bu borada ikkinchi pog‘onani "Liverpul" band etdi. Klopp jamoasining imkoniyati 27% deya chamalandi. "Bavariya"ning g‘oliblik uchun imkoniyati 25 foizga teng bo‘ldi.

Nimchorak finalda "Pari Sen-Jermen"ni musobaqadan chiqarib yuborgan "Real"ning chempionlik uchun imkoniyati 6 foiz deya baholandi. Superkompyuterga ko‘ra, madridliklar "Chelsi" to‘sig‘idan o‘ta olishmaydi. "Atletiko", "Vilyarreal" va "Benfika" jamoalarining imkoniyatlari o‘ta past baholandi.

Chorak final juftliklari quyidagicha ko‘rinishda:

“CHELSI” — “REAL MADRID”
“MANCHESTER SITI” — “ATLETIKO”
“VILYARREAL” —  “BAVARIYA”
“BENFIKA” — “LIVERPUL”