FiveThirtyEight алгоритми асосида ишлайдиган Суперкомпьютер Европа чемпионлар лигасининг жорий мавсумида жамоаларнинг чемпионлик учун имкониятларини чамалади. Хабарингиз бор, ҳозирда чорак финалга чиққан 8 жамоанинг номи маълум.

Улар орасида ғолиблик учун энг юқори имкониятга "Манчестер Сити" клуби эга дея тахмин қилинди. Гвардиола шогирдларининг имконияти 28 фоизга баҳоланди. Бу борада иккинчи поғонани "Ливерпуль" банд этди. Клопп жамоасининг имконияти 27% дея чамаланди. "Бавария"нинг ғолиблик учун имконияти 25 фоизга тенг бўлди.

Нимчорак финалда "Пари Сен-Жермен"ни мусобақадан чиқариб юборган "Реал"нинг чемпионлик учун имконияти 6 фоиз дея баҳоланди. Суперкомпьютерга кўра, мадридликлар "Челси" тўсиғидан ўта олишмайди. "Атлетико", "Вильярреал" ва "Бенфика" жамоаларининг имкониятлари ўта паст баҳоланди.

Чорак финал жуфтликлари қуйидагича кўринишда:

“ЧЕЛСИ” — “РЕАЛ МАДРИД”
“МАНЧЕСТЕР СИТИ” — “АТЛЕТИКО”
“ВИЛЬЯРРЕАЛ” —  “БАВАРИЯ”
“БЕНФИКА” — “ЛИВЕРПУЛЬ”