25-29 mart kunlari Namanganda o‘tkaziladigan «Navruz cup-2022» xalqaro musobaqasida ishtirok etadigan Tojikiston milliy jamoasining kengaytirilgan tarkibi ma’lum bo‘ldi.

Xorvatiyalik mutaxassis Petr Segrt boshchiligidagi murabbiylar shtabi yurtimizga 25 nafar futbolchi (3 darvozabon, 9 himoyachi, 9 yarim himoyachi, 4 hujumchi) bilan tashrif buyuradigan bo‘ldi. Ulardan 3 nafari O‘zbekiston superligasida to‘p tepadi.

Tojikiston musobaqaga tayyorgarlikni 19 mart kuni boshladi. Jamoa 22 mart kuni Namanganga yetib kelib, tayyorgarlikni shu yerda davom ettiradi.

Tojikiston milliy jamoasining «Navro‘z kubogi-2022» uchun tarkibi:

Darvozabonlar: Rustam Yatimov, Muhriddin Hasanov (ikkisi – «Istiqlol»), Dalerjon Barotov («Xo‘jand»);

Himoyachilar: Vahdat Xanonov, Manuchehr Safarov (ikkisi – «Persepolis», Eron), Davrondjon Ergashev («Bunyodkor», O‘zbekiston), Zoir Jo‘raboyev («Surxon», O‘zbekiston), Axtam Nazarov, Iskandar Jalilov, Alidjon Karomatullozoda (barchasi – «Istiqlol»), Firdavs Chakalov («Xo‘jand»), Mehrubon Karimov («Dinamo», Dushanbe);

Yarim himoyachilar: Parvizjon Umarboyev («Lokomotiv-Plovdiv», Bolgariya), Ehsoni Panjshanbe («Navbahor», O‘zbekiston), Alisher Jalilov (AGMK, O‘zbekiston), Muhammadjon Rahimov, Islom Zoirov, Shervoni Mabatshoyev (barchasi – «Istiqlol»), Karomatullo Saidov («Xo‘jand»), Alijoni Ayni («Regar-TadAZ»), Fathullo Olimzoda («Dinamo», Dushanbe);

Hujumchilar: Sheriddin Boboyev («Maqtaaral», Qozog‘iston), Manuchehr Jalilov, Rustam Soirov (ikkisi – «Istiqlol»), Jahongir Ergashev («Xo‘jand»).

Bosh murabbiy – Petr Segrt (Xorvatiya).