"Barselona" yarim himoyachisi Serxi Roberto yaqin kunlarda Kataloniya klubidagi kelajagi haqida qaror qabul qilmoqchi. Bu haqida Mundo Deportivo nashri xabar berdi.
Manba bergan ma’lumotlarga ko‘ra, shu haftada futbolchi jamoa vakillari bilan uchrashib, klubdagi o‘rnini muhokama qiladi.
Futbolchining "Barsa" bilan amaldagi shartnomasi shu yozda tugaydi. Tomonlar hali yangi shartnoma borasida kelishib olishmagan.
Joriy mavsumda 30 yoshli futbolchi kataloniyaliklar safida 12 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
