"Барселона" ярим ҳимоячиси Серхи Роберто яқин кунларда Каталония клубидаги келажаги ҳақида қарор қабул қилмоқчи. Бу ҳақида Mundo Deportivo нашри хабар берди.
Манба берган маълумотларга кўра, шу ҳафтада футболчи жамоа вакиллари билан учрашиб, клубдаги ўрнини муҳокама қилади.
Футболчининг "Барса" билан амалдаги шартномаси шу ёзда тугайди. Томонлар ҳали янги шартнома борасида келишиб олишмаган.
Жорий мавсумда 30 ёшли футболчи каталонияликлар сафида 12 та ўйинда майдонга тушиб, 2 та гол урди ва 1 та голли узатмани амалга оширди.
