Italiya chempionatining 30-turi doirasida «Roma» o‘z maydonida «Lasio»ni qabul qilib, yirik hisobda g‘alaba qozondi.

Bahsning birinchi daqiqasi hali yakunlanmasidan avval Temmi Abraxam hisobni ochgan bo‘lsa, 22-daqiqada uning o‘zi farqni ikkitaga oshirdi. Birinchi bo‘lim tugashiga 5 daqiqa qolganida Pellegrini jarima zarbasini chiroyli tarzda golga aylantirdi.

Ikkinchi bo‘limda esa hisob o‘zgarmadi. "Roma" ushbu g‘alaba tufayli o‘z ochkolarini 51 taga yetkazib, jadvalda 5-o‘ringa ko‘tarilib oldi. Eldor Shomurodov esa zaxirada qoldi.

Italiya A seriyasi, 30-tur
Roma – Lasio 3:0 (3:0, 0:0)
Gollar: 1:0 – 1 Abraxam, 2:0 – 22 Abraxam, 3:0 – 40 Pellegrini.
Roma – Ruy Patrisiu, Karsdorp, Smolling, Manchini, Rojer, Zalevski (Vinya, 74), Mxitaryan, Serjiu Oliveyra (Veretu, 81), Kristante, Pellegrini (Bove, 87), Abraxam.
Lasio – Strakosha, Marushich, Acherbi, Luis Felipe, Xyusay (Ladzari, 52), Leyva (Kataldi, 65), Luis Alberto, Milinkovich-Savich, Pedro, Immobile, Felipe Anderson (Romero, 65).
Ogohlantirishlar: Pedro (43), Gabarron (43), Karsdorp (48), Manchini (53), Leyva (61), Zalevski (73), Serjiu Oliveyra (78).