Италия чемпионатининг 30-тури доирасида «Рома» ўз майдонида «Лацио»ни қабул қилиб, йирик ҳисобда ғалаба қозонди.

Баҳснинг биринчи дақиқаси ҳали якунланмасидан аввал Тэмми Абрахам ҳисобни очган бўлса, 22-дақиқада унинг ўзи фарқни иккитага оширди. Биринчи бўлим тугашига 5 дақиқа қолганида Пеллегрини жарима зарбасини чиройли тарзда голга айлантирди.

Иккинчи бўлимда эса ҳисоб ўзгармади. "Рома" ушбу ғалаба туфайли ўз очколарини 51 тага етказиб, жадвалда 5-ўринга кўтарилиб олди. Элдор Шомуродов эса захирада қолди.

Италия А серияси, 30-тур
Рома – Лацио 3:0 (3:0, 0:0)
Голлар: 1:0 – 1 Абрахам, 2:0 – 22 Абрахам, 3:0 – 40 Пеллегрини.
Рома – Руй Патрисиу, Карсдорп, Смоллинг, Манчини, Рожер, Залевски (Винья, 74), Мхитарян, Сержиу Оливейра (Верету, 81), Кристанте, Пеллегрини (Бове, 87), Абрахам.
Лацио – Стракоша, Марушич, Ачерби, Луис Фелипе, Хюсай (Ладзари, 52), Лейва (Катальди, 65), Луис Альберто, Милинкович-Савич, Педро, Иммобиле, Фелипе Андерсон (Ромеро, 65).
Огоҳлантиришлар: Педро (43), Габаррон (43), Карсдорп (48), Манчини (53), Лейва (61), Залевски (73), Сержиу Оливейра (78).