«Roma» bosh murabbiyi Joze Mourinyo «Lasio»dan ustidan qo‘lga kiritilgan g‘alabadan so‘ng, raqibni hurmat qilishga chaqirdi.

A Seriyaning 30-turidan o‘rin olgan bahsda «bo‘rilar» 3:0 hisobida g‘alaba qozondi.

“Ajoyib ijro. Jamoa aynan shu raqib ustidan g‘alaba qozonish uchun nima qilish kerakligini bilar edi. Bu haqiqatan ham o‘zgacha o‘yin bo‘ldi, biz ustida ishlagan va tayyorlagan hamma narsa amalga oshgandek tuyuldi.

«Lasio» ikkinchi bo‘limda vaziyatni o‘nglashga harakat qildi, derbida ishtirok etayotgan jamoa g‘ururi bilan o‘ynadi, lekin bizga haqiqatan ham tahdid qilmadi - bu mening yigitlarimning xizmatlari.

Muxlislarning har bir harakatga «Ole» deb baqirishlari, o‘yinchilar esa buni o‘yin allaqachon tugagandek talqin qilishlari yoki o‘zini ko‘rsatishga kirishishlari menga yoqmaydi. Hurmat ko‘rsatish juda muhimdir. Biz 3:0 hisobida g‘alaba qozondik, ko‘proq gol urishimiz mumkin edi, ammo raqibga hurmat ko‘rsatish nihoyatda muhim.

Abraham bundan ham yaxshiroq o‘ynashga qodirligini bilaman. Bugun gap nafaqat uning gollari haqida, balki uning qanday pressing qilgani, qanday kurashgani, himoyaga qaytgani, himoyada ishlagani haqida ham ketmoqda. Bu "Vitess" bilan o‘yinda yuz bermagandi. Men Temmidan ko‘p narsani talab qilaman, lekin faqat uning qobiliyatlarini bilganim uchun. U har doim shu munosabat bilan o‘ynashi kerak.

Men kuchli to‘rtlikdan joy olgan jamoalarni ko‘ryapman va ularning hech biri undan chiqib ketishini tasavvur qila olmayman. Beshinchi-sakkizinchi o‘rinlar uchun to‘rtta klub da’vogarlik qilmoqda va ularning salohiyati 4-o‘rindagi jamoalardek katta emasligi aniq. 5 va 8-o‘rinlar o‘rtasida farq bor, shuning uchun biz mavsumni muvaffaqiyatli yakunlamoqchimiz” - dedi Mourinyo DAZN.