Ispaniya La Ligasining 29-turidan o‘rin olgan o‘yinda «Real» va «Barselona» o‘zaro to‘qnash keldi. «Santyago Bernabeu»da o‘tgan bahsda Kataloniya klubi 4:0 hisobidagi qo‘lga kiritdi.

Quyida «el-klasiko»ga oid fakt va statistikalar taqdim etiladi:

— Pyer-Emerik Obameyang «Real»ga qarshi ketma-ket 5 ta o‘yinda gol urgan XXI asrdagi ilk futbolchi bo‘ldi. Gabonlik futbolchi «Barselona» safidagi 8 o‘yinda 9 ta gol urdi;

— Ronald Arauxo so‘nggi 10 yil ichida «Santyago Bernabeu»da «Real»ga boshi bilan gol urgan ilk «Barselona» futbolchisiga aylandi. 2012 yilda Xavining uzatmasidan keyin Karles Puyol bu ishni uddalagandi;

— «Barselona» XXI asrda 9 marta «Real»ni yirik hisobda mag‘lub etdi. Madridliklar esa bu muddatda faqat bitta yirik g‘alabaga erishgan;

— «Barselona» «Real»ning barcha musobaqalardagi 5 ta o‘yindan iborat g‘alabali seriyasiga nuqta qo‘ydi;

— Xavi murabbiy sifatida «Klasiko»dagi ilk g‘alabasini qo‘lga kiritdi. Birinchi bahsda 42 yoshli mutaxassis mag‘lubiyatga uchratgandi. O‘shanda jamoa 12 yanvar kuni Ispaniya Superkubogi bahsida (2:3) imkoniyatni boy bergan.

— «Barselona» so‘nggi 3 yil ichida ilk marta «Klassiko»da g‘alaba qozondi. Shu tariqa «Real»ning o‘zaro o‘yinlardagi 5 o‘yindan iborat bo‘lgan g‘alabali seriyasi tugadi. «Barselona» oxirgi marta 2019 yilda «Real»dan ustun kelgandi;

— «Barselona» barcha musobaqalarda qatorasiga 12 o‘yindan beri mag‘lubiyatga uchramayapti — 9 g‘alaba, 3 durang;

— «Real» 2018 yilning oktyabridan beri ilk bor «Barselona»dan 4 ta gol o‘tkazib yubordi (5:1). O‘shanda Madrid klubi jamoa bosh murabbiyi Xulen Lopetegi ishdan bo‘shatgandi.

Katalonlar 28 ta o‘yin o‘tkazgan holda musobaqa jadvalida 54 ochko bilan 3-o‘rinda bormoqda. «Real» esa 66 ochko yakka peshqadam bo‘lib turibdi. 2-pog‘onadagi «Sevilya»ning hisobida 57 ochko bor.