«Barselona» yarim himoyachisi Serxio Buskets «Real» jamoasiga qarshi bo‘lib o‘tgan o‘yin haqida fikr bildirdi. «Barselona» asosiy raqibini safarda 4:0 hisobida mag‘lub etdi.
“Biz o‘z vazifamizni yaxshi bajarayapmiz. O‘ylaymanki, biz «Real» darvozasiga to‘rttadan ko‘proq gol urishimiz mumkin edi. Biz hamma narsani to‘g‘ri qildik va shuning uchun ajoyib g‘alabaga erishdik.
«Real» ancha oldinga o‘tib ketganini tushunib turibmiz, lekin chempionlik uchun eng kichik imkoniyatga ega bo‘lsak, albatta kurashamiz. Raqiblarimiz ochko yo‘qotishni boshlasa, biz hamma narsaga tayyor bo‘lamiz. «Barselona» har doim o‘z oldiga eng yuqori maqsadlarni qo‘yadi", - deydi Buskets.
