"Lester" yarim himoyachisi Jeyms Meddisonga "Real" qiziqish bildirmoqda.

Fichajesning so‘zlariga ko‘ra, ingliz futbolchisi "Santyago Bernabeu"da Luka Modrichning potensial uzoq muddatli vorisi sifatida ko‘rilmoqda. 24 yoshli futbolchi "Real"ga 80 million yevroga tushadi.

Meddisonning "Lester" bilan shartnomasi 2024 yilning 30 iyuniga qadar amal qiladi. U klubda 2018 yildan buyon o‘ynayapti.

2021/22 yilgi mavsumda yarim himoyachi barcha musobaqalarda 40 ta o‘yinda maydonga tushib, 13 ta gol urdi va 7 ta golli uzatmani amalga oshirdi.