FiveThirtyEight algoritmi asosida ishlaydigan Superkompyuter «el-klasiko»dan so‘ng La liganing joriy mavsumida jamoalarning chempionlik uchun imkoniyatlariga biroz o‘zgartirish kiritdi.

Kompyuter taxminicha, Ispaniyada "Real" g‘oliblikni qo‘lga kiritadi. Bu jamoaning imkoniyati 90 foizga teng deya baholandi. Madridliklar ushbu mavsumda 83 ochko jamg‘arishi kutilmoqda. Ya’ni Anchelotti qolgan 9ta o‘yinda 17 ochko jamg‘arishi taxmin qilindi.

"Barselona"ning chempionlik uchun imkoniyati esa oshirildi. Endi kataloniyaliklarning imkoniyati 8% deya chamalandi. "Klasiko"dan avval bu ko‘rsatkich 4 foizga teng edi. "Barsa" mavsum oxirida to‘plagan ochkolari 75 ochkoga teng bo‘lishi taxmin qilinmoqda (qolgan 10ta o‘yinda 21 ochko to‘plashi kutilmoqda). Ya’ni, superkopmpyuter hisob-kitobiga ko‘ra, "ko‘k-anorranglilar" mavsum so‘ngida peshqadamdan 8 ochko ortda qolishadi. Hozirda ushbu jamoalar orasida farq 12 ochkoni tashkil etmoqda. "Barselona" hisobida esa bitta zaxira o‘yini mavjud.

"El-klasiko"dan avval "Sevilya"ning imkoniyati 5% deya taxmin qilinayotgandi. Endi esa bu ko‘rsatkich 1%ga tushib qoldi. "Atletiko"ning imkoniyati esa 1 foizdan ham kamroqqa baholandi.