Dortmundning “Borussiya” klubi yarim himoyachisi Jud Bellingem faoliyatini Ispaniya chempionatida davom ettirishi mumkin, deya xabar bermoqda jurnalist Ramon Alvares.
Manba bergan xabarga ko‘ra, 18 yoshli futbolchining xizmatlariga "Real" qiziqish bildirmoqda. Shuningdek, Bellingemga boshqa bir qator klublar ham qiziqish bildirmoqda, ammo nemis jamoasi "Real Madrid" bilan ehtimoliy transfer bo‘yicha muzokara olib borishni afzal ko‘radi.
Angliyalik futbolchi joriy mavsumda Bundesligada 25 ta o‘yinda maydonga tushib, 3 ta gol urdi va 7 ta golli uzatmani amalga oshirdi.
