Дортмунднинг “Боруссия” клуби ярим ҳимоячиси Жуд Беллингем фаолиятини Испания чемпионатида давом эттириши мумкин, дея хабар бермоқда журналист Рамон Альварес.
Манба берган хабарга кўра, 18 ёшли футболчининг хизматларига "Реал" қизиқиш билдирмоқда. Шунингдек, Беллингемга бошқа бир қатор клублар ҳам қизиқиш билдирмоқда, аммо немис жамоаси "Реал Мадрид" билан эҳтимолий трансфер бўйича музокара олиб боришни афзал кўради.
Англиялик футболчи жорий мавсумда Бундеслигада 25 та ўйинда майдонга тушиб, 3 та гол урди ва 7 та голли узатмани амалга оширди.
