"Roma" yaqin transfer oynasida hujum chizig‘ini kuchaytirishni rejalashtirmoqda. Xususan, Joze Mourinyo jamoasiga “Valensiya” vingeri Gonsalo Gedesh, "An-Nasr" yarim himoyachisi Taliska va "Ayntraxt" futbolchisi Filip Kostich qo‘shilishi mumkin.

Rimliklar 2021/2022 yilgi mavsum A Seriyasida turnir jadvalida 5-o‘rinda bormoqda. Jamoa ayni damda kelasi mavsumda Yevropa ligasida ishtirok etishga da’vo qilmoqda.

Jamoaning eng yaxshi to‘purari angliyalik Temmi Abraxam 23 ta gol bilan, eng yaxshi assistenti esa 8 ta golli uzatma bilan Jordan Veretu hisoblanadi.