“Manchester Yunayted” yarim himoyachisi Pol Pogba faoliyatini Angliya Premyer-ligasi klublaridan birida davom ettirishi mumkin.

Sky Sports xabariga ko‘ra, nomi oshkor qilinmagan ikki klub rahbariyati futbolchining atrofidagilar bilan aloqada o‘rnatgan.

Qayd etilishicha, Pogba “Manchester Yunayted”da qolishga qarshi emas, biroq klub rahbariyatidan hozircha shartnomani uzaytirish bo‘yicha takliflar bo‘lmagan.

Ma’lumot o‘rnida, Pogbaning mankunianliklar bilan shartnomasi 2022 yilning iyunida yakuniga etadi.

2021/22 yilgi mavsumda 29 yoshli fransiyalik futbolchi “Manchester Yunayted” safida barcha turnirlarda 23 ta o‘yin o‘tkazib, bitta gol urdi va 9 ta golli uzatmani amalga oshirdi.