“Манчестер Юнайтед” ярим ҳимоячиси Поль Погба фаолиятини Англия Премьер-лигаси клубларидан бирида давом эттириши мумкин.
Sky Sports хабарига кўра, номи ошкор қилинмаган икки клуб раҳбарияти футболчининг атрофидагилар билан алоқада ўрнатган.
Қайд этилишича, Поль “Манчестер Юнайтед”да қолишга қарши эмас, бироқ клуб раҳбариятидан ҳозирча шартномани узайтириш бўйича таклифлар бўлмаган.
Маълумот ўрнида, Погбанинг манкунианликлар билан шартномаси 2022 йилнинг июнида якунига этади.
2021/22 йилги мавсумда 29 ёшли франциялик футболчи “Манчестер Юнайтед” сафида барча турнирларда 23 та ўйин ўтказиб, битта гол урди ва 9 та голли узатмани амалга оширди.
