"Real" bosh murabbiyi Karlo Anchelotti iste’foga chiqariladigan bo‘lsa, uning o‘rnini "Madrid" afsonasi Raul Gonsales Blanko egallashi mumkin. Bu haqda "Marka" nashri jurnalisti o‘z nuqtai nazarini bildirdi.

Hozirda ushbu mutaxassis «Kastilya»ni boshqarmoqda va uning natijalari yomon emas. Xususan, yosh madridliklar o‘tgan mavsumda yoshlar o‘rtasidagi Chempionlar ligasida g‘olib chiqishdi.

"Raulda boshqaruvchilik qobiliyati bor. U futbolchilarni yaxshi boshqaradi. Bundan tashqari, u asosiy jamoaning barcha o‘yinchilarini yaxshi biladi. Hozirda "Qirollik klubi"ni undan yaxshiroq biladigan murabbiy yo‘q.

Raul «Real Madrid» tarixidagi eng yaxshi o‘yinchilardan biri hisoblanadi. Muxlislar o‘rtasida ham uning obro‘si yuqori. U klubga sadoqatli. U futbolchilar oldida nutq so‘zlashni biladi. Boz ustiga, u jurnalistlar bilan yaxshi munosabat o‘rnatgan. Raul "Madrid" uchun yangi Xavi bo‘lishi mumkin. Ayniqsa, "el-klasiko"dagi 0:4 hisobidan keyin "Real"ga ham Xavi kabi xarakter va xarizmaga ega bo‘lgan haqiqiy madridist murabbiy kerak.

Raulga 4-3-3 taktik sxemasi yoqadi. U yuqori pressing tarafdori. Boshqacha so‘z bilan aytganda, Raulning o‘yin uslubi ham Xavinikiga o‘xshash. Mutaxassisning yana bir xususiyatlaridan biri — unga haqiqiy markaziy hujumchi bilan o‘ynash yoqadi. Haqiqiy "to‘qqizinchi raqam" esa bo‘yi baland va kuchli futbolchi bo‘lishi kerak.

Raul "Qirollik klubi" boshqaruvini qo‘lga oladigan payt keldi. U murabbiy faoliyati bilan birga sport direktori vazifasini ham bajarmoqda. O‘z vaqtida "Real"ning ikki buyuk murabibylari – Luis Molovni va Visente del Boske shunday vazifalarni bajarishgan.

Albatta, men Karlo Anchelottidan juda minnatdorman, u ijoyib ishni bajarishda davom etmoqda. Umid qilaman, u La liga va Chempionlar ligasida g‘olib chiqa oladi. Karloga rahmat, ammo «Real Madrid»ning kelajagi Raul qo‘lida. Uning vaqti keldi. U jamoani boshqarishga tayyor", — deya yozdi "Marca" nashri jurnalisti Roberto Gomes.