“Roma” hujumchi Temmi Abraxam Londonga qaytishi mumkin. Rim klubi ingliz futbolchisi bilan xayrlashishga tayyor, faqat Temmi uchun 120 million yevro talab qilmoqda. Ammo shartnomada “Chelsi” futbolchini 80 million yevroga sotib olish huquqiga ega, deb yozadi Daily Mail.
Manbaga ko‘ra, "ko‘klar" faqat 2023 yildan boshlab qayta sotib olish opsiyasidan foydalanishi mumkin. Agar buni muddatidan oldin amalga oshirmoqchi bo‘lsa, "Roma" rahbariyati 120 million so‘raydi.
Abraxam 2021 yilning yozida "Chelsi"dan "bo‘rilar" safiga qo‘shilgan edi. Hujumchining shartnomasi 2026 yilning yoziga qadar mo‘ljallangan.
Joriy mavsumda 24 yoshli angliyalik futbolchi klub safida barcha turnirlar doirasida 40 ta o‘yinda maydonga tushib, 23 ta gol va 4 ta golga assistentlik qildi. Futbolchining Transfermarktdagi narxi 45 mln yevroga baholangan.
