"Real" klubi "Ayaks" himoyachisi Nusser Mazrauiga qiziqish bildirmoqda, deb xabar beradi Sport.es.

Avvalroq, futbolchining transferiga “Barselona”, “Bavariya” va Dortmundning “Borussiya” klublari ham qiziqish bildirgan edi. Kataloniyaliklar allaqachon Mazraui bilan shartnoma borasida kelishib olgani aytilgandi, biroq futbolchining o‘zi bu ma’lumotni rad etgan.

2021/22-yilgi mavsumda Mazraui “Ayaks” safida 30 ta o‘yinda maydonga tushib, 5 ta gol va 4 ta golli uzatmaga mualliflik qilgan. 24 yoshli marokashlik futbolchining Gollandiya klubi bilan shartnomasi 2022 yilning iyun oyi oxirigacha amal qiladi.