"Реал" клуби "Аякс" ҳимоячиси Нуссер Мазрауига қизиқиш билдирмоқда, деб хабар беради Sport.es.
Аввалроқ, футболчининг трансферига “Барселона”, “Бавария” ва Дортмунднинг “Боруссия” клублари ҳам қизиқиш билдирган эди. Каталонияликлар аллақачон Мазрауи билан шартнома борасида келишиб олгани айтилганди, бироқ футболчининг ўзи бу маълумотни рад этган.
2021/22-йилги мавсумда Мазрауи “Аякс” сафида 30 та ўйинда майдонга тушиб, 5 та гол ва 4 та голли узатмага муаллифлик қилган. 24 ёшли марокашлик футболчининг Голландия клуби билан шартномаси 2022 йилнинг июнь ойи охиригача амал қилади.
