APL matbuot xizmati mart oyining eng yaxshi murabbiyi bo‘lish uchun davogarlar ro‘yxatini e’lon qildi.
Sovringa Mikel Arteta (“Arsenal”), Yurgen Klopp (“Liverpul”), Antonio Konte (“Tottenxem”), Brendan Rojers (“Lester”) va Tomas Tuxel (“Chelsi”) da’vogarlik qilmoqda.
Eslatib o‘tamiz, mart oyida "Arsenal", "Lester" va "Tottenxem" APLda uchta bahsda g‘alaba qozonib, bittadan mag‘lubiyat alamini totib ko‘rgan edi. “Liverpul” va “Chelsi” uchta o‘yinda ham g‘alaba qozonishgan.
APLning 29-turidan so‘ng “Manchester Siti” eng yaqin ta’qibchisi “Liverpul”dan bir ochko oldinda, 70 ochko bilan turnir jadvalida peshqadamlik qilmoqda. “Chelsi” 59 ochko bilan uchinchi, "Arsenal" 54 ochko bilan to‘rtinchi o‘rinda bormoqda. 51 ochko bilan beshinchi o‘rinni “Tottenxem” band etgan.
