АПЛ матбуот хизмати март ойининг энг яхши мураббийи бўлиш учун давогарлар рўйхатини эълон қилди.

Совринга Микель Артета (“Арсенал”), Юрген Клопп (“Ливерпуль”), Антонио Конте (“Тоттенхэм”), Брендан Рожерс (“Лестер”) ва Томас Тухель (“Челси”) даъвогарлик қилмоқда.

Эслатиб ўтамиз, март ойида "Арсенал", "Лестер" ва "Тоттенхэм" АПЛда учта баҳсда ғалаба қозониб, биттадан мағлубият аламини тотиб кўрган эди. “Ливерпуль” ва “Челси” учта ўйинда ҳам ғалаба қозонишган.

АПЛнинг 29-туридан сўнг “Манчестер Сити” энг яқин таъқибчиси “Ливерпуль”дан бир очко олдинда, 70 очко билан турнир жадвалида пешқадамлик қилмоқда. “Челси” 59 очко билан учинчи, "Арсенал" 54 очко билан тўртинчи ўринда бормоқда. 51 очко билан бешинчи ўринни “Тоттенхэм” банд этган.