Avvalroq, "Atletiko" "Barselona" yarim himoyachisi Serxi Robertoga qiziqish bildirayotgani xabar qilingandi. Biroq Madrid klubi 30 yoshli futbolchining nomzodini rad etishga qaror qildi, deb xabar beradi Marca.
Shu haftada Serxi Roberto Kataloniya jamoasi vakillari bilan uchrashib, klubdagi o‘rnini muhokama qiladi. Futbolchining "Barsa" bilan amaldagi shartnomasi shu yozda tugaydi. Tomonlar hali yangi shartnoma borasida kelishib olishmagan.
Serxi Roberto joriy mavsum kataloniyaliklar safida 12 ta o‘yinda maydonga tushib, 2 ta gol va 1 ta golli uzatmani amalga oshirdi.
