Аввалроқ, "Атлетико" "Барселона" ярим ҳимоячиси Серхи Робертога қизиқиш билдираётгани хабар қилинганди. Бироқ Мадрид клуби 30 ёшли футболчининг номзодини рад этишга қарор қилди, деб хабар беради Маrcа.
Шу ҳафтада Серхи Роберто Каталония жамоаси вакиллари билан учрашиб, клубдаги ўрнини муҳокама қилади. Футболчининг "Барса" билан амалдаги шартномаси шу ёзда тугайди. Томонлар ҳали янги шартнома борасида келишиб олишмаган.
Серхи Роберто жорий мавсум каталонияликлар сафида 12 та ўйинда майдонга тушиб, 2 та гол ва 1 та голли узатмани амалга оширди.
