«Benfika» hujumchisi Darvin Nunyes «Arsenal»ga o‘tishga yaqin turibdi, deya xabar beradi Football365. Manbaga ko‘ra, London klubi futbolchi  uchun kurashda «Vest Xem» va «Nyukasl»ni ortda qoldirishga ishonmoqda. «Kanonirlar» urugvaylik hujumchi uchun 67 million funt taklif qilmoqda.

London klubining hujumchi uchun qolgan jamoalardan ustunligi sababi shundaki, «Arsenal» Angliya chempionati turnir jadvalida Chempionlar ligasi zonasida joylashgan.

22 yoshli hujumchining «Benfika» bilan shartnomasi 2025 yilning iyuniga qadar tuzilgan. Transfermarkt portali hujumchini 40 million yevroga baholamoqda.

2021/22 yilgi mavsumda Nunyes «Benfika» safida barcha turnirlar doirasida 33 ta o‘yinda maydonga tushib, 26 ta gol va 2 ta golli uzatmani amalga oshirdi.