«Бенфика» ҳужумчиси Дарвин Нуньес «Арсенал»га ўтишга яқин турибди, дея хабар беради Football365. Манбага кўра, Лондон клуби футболчи  учун курашда «Вест Хэм» ва «Ньюкасл»ни ортда қолдиришга ишонмоқда. «Канонирлар» уругвайлик ҳужумчи учун 67 миллион фунт таклиф қилмоқда.

Лондон клубининг ҳужумчи учун қолган жамоалардан устунлиги сабаби шундаки, «Арсенал» Англия чемпионати турнир жадвалида Чемпионлар лигаси зонасида жойлашган.

22 ёшли ҳужумчининг «Бенфика» билан шартномаси 2025 йилнинг июнига қадар тузилган. Трансфермаркт портали ҳужумчини 40 миллион еврога баҳоламоқда.

2021/22 йилги мавсумда Нуньес «Бенфика» сафида барча турнирлар доирасида 33 та ўйинда майдонга тушиб, 26 та гол ва 2 та голли узатмани амалга оширди.