«Bavariya» «Chelsi» himoyachisi Antonio Ryudiger bilan muzokaralarni davom ettirmaslikka qaror qildi. Klub vakillarining fikricha, futbolchi juda yuqori maosh talab qilmoqda va bu uning yoshiga to‘g‘ri kelmaydi.

29 yoshli himoyachining London klubi bilan shartnomasi shu yilning yozida yakuniga yetadi. Uning haftasiga 200 000 funt sterling miqdorida maosh talab qilishi «Chelsi»ning u bilan yangi shartnomaga imzolamasligiga sabab bo‘lgan va aynan shu narsa «Bavariya» ham qarorini o‘zgartirishiga sabab bo‘lgan ko‘rinadi.

Germaniyaning BILD nashri xabar berishicha, agar Ryudiger o‘z talablarini pasaytirmasa, «Bavariya» unga shartnoma taklif qilmaydi.

Eslatib o‘tamiz, oldinroq futbolchiga «Yuventus» ham jiddiy qiziqish bildirayotgani xabar qilingandi.