«Бавария» «Челси» ҳимоячиси Антонио Рюдигер билан музокараларни давом эттирмасликка қарор қилди. Клуб вакилларининг фикрича, футболчи жуда юқори маош талаб қилмоқда ва бу унинг ёшига тўғри келмайди.

29 ёшли ҳимоячининг Лондон клуби билан шартномаси шу йилнинг ёзида якунига етади. Унинг ҳафтасига 200 000 фунт стерлинг миқдорида маош талаб қилиши «Челси»нинг у билан янги шартномага имзоламаслигига сабаб бўлган ва айнан шу нарса «Бавария» ҳам қарорини ўзгартиришига сабаб бўлган кўринади.

Германиянинг BILD нашри хабар беришича, агар Рюдигер ўз талабларини пасайтирмаса, «Бавария» унга шартнома таклиф қилмайди.

Эслатиб ўтамиз, олдинроқ футболчига «Ювентус» ҳам жиддий қизиқиш билдираётгани хабар қилинганди.