Jurnalist Nikolo Skiraning xabar berishicha, "Milan" mavsum oxirigacha ijaraga olingan "Krotone" hujumchisi Junior Messiasni to‘liqligicha sotib olish imkoniyatlarini o‘rganib chiqmoqda.
“Rossonerlar” 30 yoshli braziliyalik futbolchini 5,5 million yevroga sotib olish imkoniyatiga ega, ammo klub kamroq summaga transfer bo‘yicha muzokara olib borishni kutmoqda. Braziliyalikning o‘zi "Milan"da qolishni istaydi.
Messias “Milan” safida 2021 yil avgustidan buyon to‘p suradi va jamoa safida 24 ta o‘yinda 5 ta gol urdi. Transfermarkt.com portali hujumchining narxini 6,5 million yevroga baholamoqda.
