«Anderlext»da ijara asosida to‘p surayotgan «Bavariya» hujumchisi Joshua Zirkzi keyingi mavsumda Myunxen klubiga qaytishdan foyda yo‘qligini aytdi.

«Ko‘p vaqtimni maydonda o‘tkazgan mavsumdan keyin «Bavariya»ga qaytish mantiqiy to‘g‘ri emas deb o‘ylayman. Men ko‘proq o‘ynashni xohlayman. Keyinchalik o‘z qarorimni ma’lum qilaman. Albatta, men «Bavariya» bilan kelajagimni muhokama qilaman», - deydi Zirkzi.

2021/22 yilgi mavsumda Zirkzi «Anderlext» safida 38 ta o‘yinda maydonga tushib, 15 ta gol va 9 ta golli uzatmani amalga oshirdi. Ijara shartnomasi 2022 yil iyun oyi oxirigacha amal qiladi.

Bungacha «Bavariya»da ikki mavsum o‘ynagan 20 yoshli gollandiyalik futbolchi jamoasi safida 17 ta o‘yinda ishtirok etib, 4 ta gol va 1 ta golli uzatmani amalga oshirgan.