«Андерлехт»да ижара асосида тўп сураётган «Бавария» ҳужумчиси Жошуа Зиркзи кейинги мавсумда Мюнхен клубига қайтишдан фойда йўқлигини айтди.

«Кўп вақтимни майдонда ўтказган мавсумдан кейин «Бавария»га қайтиш мантиқий тўғри эмас деб ўйлайман. Мен кўпроқ ўйнашни хоҳлайман. Кейинчалик ўз қароримни маълум қиламан. Албатта, мен «Бавария» билан келажагимни муҳокама қиламан», - дейди Зиркзи.

2021/22 йилги мавсумда Зиркзи «Андерлехт» сафида 38 та ўйинда майдонга тушиб, 15 та гол ва 9 та голли узатмани амалга оширди. Ижара шартномаси 2022 йил июнь ойи охиригача амал қилади.

Бунгача «Бавария»да икки мавсум ўйнаган 20 ёшли голландиялик футболчи жамоаси сафида 17 та ўйинда иштирок этиб, 4 та гол ва 1 та голли узатмани амалга оширган.