«Barselona» prezidenti Joan Laporta jamoa a’zosi Usmon Dembele hali ham yangi shartnoma imzolashga roziligi haqida ma’lum qilmaganini aytdi. Fransiyalik futbolchining klub bilan shartnomasi shu yozda tugaydi.
«Hozirda bizda Dembele faoliyatini «Barselona»da davom ettirishni xohlayotgani haqida hech qanday xabar yo‘q», - dedi Laporta.
24 yoshli Dembele 2017 yildan buyon «Barselona» safida to‘p suradi. Oldinroq «PSJ» futbolchisiga qiziqish borligi haqida xabarlar tarqalgan edi.