"Barselona" o‘zining niderlandiyalik forvardi Memfis Depay borasida bir qarorga keldi, deya xabar berdi Sport.

Manbaga ko‘ra, kataloniyaliklar Depayni kelasi mavsum ham jamoada saqlab qolishga qaror qilishgan. Xavi boshchiligidagi jamoada hujumchi muhim figuraga aylanishi kutilmoqda.

Ma’lumot o‘rnida, 28 yoshli niderlandiyalik futbolchi va "blaugranas" o‘rtasidagi amaldagi shartnoma 2023 yilda yakuniga yetadi. Depay joriy mavsum barcha turnirlarda 29 o‘yinda maydonga tushib, 10 ta gol va 2 golli uzatmani amalga oshirdi.