Portugaliya terma jamoasi bosh murabbiyi Fernandu Santush Shimoliy Makedoniya bilan 2022 yilgi jahon chempionati uchun uchrashuv arafasida o‘z fikrlari bilan o‘rtoqlashdi.
«Men hamisha Shimoliy Makedoniya yoki Italiya bilan o‘ynashimiz mumkinligini aytganman. Bu o‘yin final, final esa har doim qiyin. Biz Turkiyani mag‘lub etdik va endi ikkinchi o‘yinda g‘alaba qozonishga harakat qilamiz. Aynan shu narsaga e’tibor qaratmoqchimiz. Biz bor e’tiborimizni Shimoliy Makedoniyaga qaratishimiz kerak, bu albatta qiyin raqib bo‘ladi. Agar ular Italiyani mag‘lub etishga muvaffaq bo‘lishsa, bu bizga juda qiyin bo‘ladi, degani», - deydi Santush.
Portugaliya hamda Shimoliy Makedoniya terma jamoalari o‘rtasidagi uchrashuv 29 mart kuni Portu shahrida bo‘lib o‘tadi.
