Португалия терма жамоаси бош мураббийи Фернанду Сантуш Шимолий Македония билан 2022 йилги жаҳон чемпионати учун учрашув арафасида ўз фикрлари билан ўртоқлашди.
«Мен ҳамиша Шимолий Македония ёки Италия билан ўйнашимиз мумкинлигини айтганман. Бу ўйин финал, финал эса ҳар доим қийин. Биз Туркияни мағлуб этдик ва энди иккинчи ўйинда ғалаба қозонишга ҳаракат қиламиз. Айнан шу нарсага эътибор қаратмоқчимиз. Биз бор эътиборимизни Шимолий Македонияга қаратишимиз керак, бу албатта қийин рақиб бўлади. Агар улар Италияни мағлуб этишга муваффақ бўлишса, бу бизга жуда қийин бўлади, дегани», - дейди Сантуш.
Португалия ҳамда Шимолий Македония терма жамоалари ўртасидаги учрашув 29 март куни Порту шаҳрида бўлиб ўтади.
