Milanning «Inter» klubi «Yuventus» hujumchisi Paulo Dibalani qo‘lga kiritmoqchi. Bu haqda jurnalist Nikolo Skira xabar berdi.
Manbaga ko‘ra, «Inter» rahbariyati allaqachon Dibalaning agenti bilan aloqaga chiqishgan. Tomonlar argentinalik futbolchining «San-Siro»ga o‘tishini faol tarzda muhokama qilishmoqda.
Eslatib o‘tamiz, Paulo Dibala «Yuventus» bilan shartnomasini uzaytirishdan bosh tortgan edi. Paulo yozda erkin agentga aylanadi. Unga «Inter»dan tashqari, «PSJ», «Atletiko» va «Barselona» da’vogarlik qilmoqda.
