Ispaniyaning «Monako» klubining tajribali yarim himoyachisi Sesk Fabregas jurnalistlar bilan suhbatda Xavi boshchiligidagi «Barselona» o‘yini haqida gapirdi.

Fabregas o‘zining avvalgi mavqeini tiklagan «Barselona»ning o‘yinini ko‘rishdan zavqlanishini aytdi. Seskning ta’kidlashicha, Xavi ancha qisqa vaqt ichida jamoaviy ruhni tiklab, jamoaning yaxshi o‘yin ko‘rsatishiga yordam berdi.

Eslatib o‘tamiz, ayni damda Xavi qo‘l ostidagi Kataloniya klubi Ispaniya chempionatida uchinchi o‘rinda bormoqda.