«Barselona» hujumchisi Memfis Depay yozda jamoani tark etishi mumkin. Mundo Deportivo xabariga ko‘ra, 28 yoshli gollandiyalik futbolchiga asosiy da’vogar «Tottenxem» hisoblanadi.
Depay xizmatlariga «Milan» va «Yuventus» ham qiziqish bildirmoqda. Lekin futbolchining o‘zi faoliyatini Angliyada davom ettirmoqchi.
Hujumchining «Barselona» bilan shartnomasi 2023-yilning 30-iyuniga qadar mo‘ljallangan.
2021/22 yilgi mavsumda Depay ispan klubi safida barcha turnirlar doirasida 27 ta o‘yin o‘tkazib, 10 ta gol va 2 ta golga assistentlik qildi.
Eslatib o‘tamiz, u o‘tgan yozda erkin agent sifatida «Barsa»ga o‘tgan edi. Transfermarkt portali futbolchining narxini 45 million yevroga baholamoqda.
