«Milan» hujumchisi, 40 yoshli shvesiyalik futbolchi Zlatan Ibragimovich UEFA saytiga bergan intervyuning bir qancha qismlarini taqdim etamiz.
Rosengard shaharchasida ulg‘aygani haqida
Men Malmyoning kichik hududi - Rosengardda katta bo‘lganman. 17 yoshimgacha u yerda yashaganman. Yoshligimda juda faol edim. Bu men uchun jannat edi. Chunki istagan hamma narsamga ega bo‘lganman. Do‘stlarim, o‘yin-kulgu... Juda baxtiyor edim. Futbol o‘ynash oson va arzon edi. Menga faqat oyoq kiyim kerak bo‘lgan. Oyoq kiyimsiz ham futbol o‘ynash mumkin edi. U yerdan keyin hammasi yanada yaxshiroq bo‘lishni boshladi.
«Malmyo» klubi bilan birinchi marta shartnoma imzolaganimda, tezda o‘z sevgan ishimdan pul topa boshlaganman. Pul meni xursand qilmas edi, ammo u bilan osonroq edi. Mashg‘ulotlarga uzoq masofa piyoda, ba’zida o‘g‘irlangan velosipedlarda borar edim. Bular yaxshi ish emas edi. Ammo, hammamiz ahmoqona ishlar qilganmiz. Haydovchilik guvohnomasi, mashina olishim mumkin edi.
Otam Muhammad Alini ko‘p ko‘rishimga undardi va men bu turdagi xarakter egasini yoqtiraman. Siz gapirasiz, lekin o‘zingizni namoyish etasiz. Siz gapirasiz, ammo o‘zingizni isbotlaysiz. Siz o‘zingizga ishonganingiz uchun gapirasiz.
Futbolchi sifatida menga ko‘proq braziliyalik Ronaldo yoqardi. Men unga taqlid qildim, uni kuzatardim. U hamma qilishni istagan ishlarni bajargan. U siz avval ko‘rmagan harakatlarni qilar edi va kimdir undan ko‘chirishga harakat qilar edi. Biz do‘stlarimiz bilan futbol o‘ynash uchun bog‘ga borganimizda, shu ishlarni qilishga urinardik. Keyin u inson bilan uchrashdim, unga qarshi o‘ynadim.
Qayerdan kelganligini unutmasligi haqida
Menga nima bo‘lishidan qat’i nazar, omad, pul, obro‘, nima bo‘lsa ham men shundayligimcha qolaman. O‘zgarmayman. Yoki siz meni yoqtirasiz yoki yoqtirmaysiz. Lekin, odamlar meni yoqtirishlariga ishontirish uchun dunyoga kelmaganman.
Yosh futbolchilarga tavsiyalari
"Bolakaylarga qanday maslahat berasiz?" degan savolga quyidagicha javob beraman:
"O‘zingizga ishoning, doim baxtiyor bo‘ling va hech qachon taslim bo‘lmang". Maslahatimning barchasi shu. Bu narsalarni aytish oson, ammo bundan o‘tish eng qiyin qismi hisoblanadi. Pozitiv insonlar bilan atrofingizni qurshab olish, pozitiv energiya juda ko‘p yordam beradi. Chunki atmosfera narsalarni ko‘chishini osonlashtiradi. Atrofingizda salbiy hissiyotli insonlar bo‘lsa, ular sizni pastga tortadi. Bu xuddi ular sizni muvaffaqiyatga erishishingizni xohlamashmayotgandek. Shunday ekan mening maslahatim shuki, bu oson va hamma narsaning iloji bor, ammo bu sizga bog‘liq".
