«Liverpul» «Fulxem» yarim himoyachisi Fabio Karvalyu bilan printsipial kelishuvga erishdi, deb xabar beradi Football Insider.

«Qizillar» yanvardagi transfer oynasida 19 yoshli yarim himoyachi bilan shartnoma tuzishni o‘ylab ko‘rdi, biroq o‘sha paytda kelishuv amalga oshmay qoldi.

Joriy mavsumda futbolchi Chempionshipda 27 ta o‘yin o‘tkazib, 8 ta gol va 5 ta golli uzatmani amalga oshirdi.

Transfermarkt xabariga ko‘ra, futbolchining transfer narxi 3,5 million yevroni tashkil qiladi. Uning «Fulxem» bilan shartnomasi shu yozda yakuniga yetadi.