"Manchester Yunayted"ning yozgi transfer oynasidagi asosiy maqsadi "Tottenxem" va Angliya terma jamoasi hujumchisi Xarri Keyn bo‘ladi, deya xabar beradi The Telegraph.
Manbaning xabariga ko‘ra, bir yil avval "qizil iblislar" hujumchini sotib olishga urinib ko‘rgan, biroq Jeydon Sanchoning qimmat transferi tufayli buni amalga oshira olmagan.
Qayd etilishicha, Keyn bo‘yicha kelishuv taxminan 100 million funtni tashkil qiladi. "MYU" jamoaga yangi bosh murabbiy etib kim tayinlanishidan qat’i nazar forvard bilan shartnoma imzolamoqchi.
Ma’lumot uchun, Keyn joriy mavsumda barcha turnirlarda 41 ta o‘yinda maydonga tushib, 22 ta gol urdi.
