"Манчестер Юнайтед"нинг ёзги трансфер ойнасидаги асосий мақсади "Тоттенхэм" ва Англия терма жамоаси ҳужумчиси Харри Кейн бўлади, дея хабар беради The Telegraph.
Манбанинг хабарига кўра, бир йил аввал "қизил иблислар" ҳужумчини сотиб олишга уриниб кўрган, бироқ Жейдон Санчонинг қиммат трансфери туфайли буни амалга ошира олмаган.
Қайд этилишича, Кейн бўйича келишув тахминан 100 миллион фунтни ташкил қилади. "МЮ" жамоага янги бош мураббий этиб ким тайинланишидан қатъи назар форвард билан шартнома имзоламоқчи.
Маълумот учун, Кейн жорий мавсумда барча турнирларда 41 та ўйинда майдонга тушиб, 22 та гол урди.
