L'Equipe xabariga ko‘ra, "PSJ" "Yuventus" hujumchisi Paulo Dibala va "Barselona"dan Usmon Dembeleni o‘z safiga qo‘shib olishga qiziqish bildirmoqda.
Manba bergan xabarga ko‘ra, Parij klubi 28 yoshli argentinalik va 24 yoshli fransuz atrofidagi vaziyatni diqqat bilan kuzatib bormoqda.
Eslatib o‘tamiz, ikkala hujumchining amaldagi shartnomasi muddati 2022 yilning 30 iyunida yakuniga etadi.
Joriy mavsumda Dibala “Yuventus” safida barcha turnirlar doirasida 29 ta o‘yinda maydonga tushib, 13 ta gol urdi va 6 ta golli uzatmani amalga oshirdi.
Dembele “Barselona” safida 21 ta o‘yinda maydonga tushib, 2 ta gol va 9 ta golli uzatmaga mualliflik qilgan.
