L'Equipe хабарига кўра, "ПСЖ" "Ювентус" ҳужумчиси Пауло Дибала ва "Барселона"дан Усмон Дембелени ўз сафига қўшиб олишга қизиқиш билдирмоқда.

Манба берган хабарга кўра, Париж клуби 28 ёшли аргентиналик ва 24 ёшли француз атрофидаги вазиятни диққат билан кузатиб бормоқда.

Эслатиб ўтамиз, иккала ҳужумчининг амалдаги шартномаси муддати 2022 йилнинг 30 июнида якунига этади.

Жорий мавсумда Дибала “Ювентус” сафида барча турнирлар доирасида 29 та ўйинда майдонга тушиб, 13 та гол урди ва 6 та голли узатмани амалга оширди.

Дембеле “Барселона” сафида 21 та ўйинда майдонга тушиб, 2 та гол ва 9 та голли узатмага муаллифлик қилган.