Portugaliya terma jamoasi yarim himoyachisi Brunu Fernandesh JCH-2022 saralashi uchun pley-off o‘yinida Shimoliy Makedoniya ustidan qozonilgan g‘alaba (2:0) haqida fikr bildirdi.

"Ushbu o‘yin esda qolishi kerak, chunki biz jahon chempionatiga chiqdik. Bu juda muhim o‘yin bo‘ldi, muxlislar juda yaxshi qo‘llab-quvvatlashdi. Stadiondagi bugungi muhit ajoyib edi. Odamlar bizga nima kerakligini tushunishdi. Asosiysi Portugaliya g‘alaba qozondi.

Hammaning ambisiyalari bor. Ronaldu ham, men ham bundan mustasno emasmiz. Odatda u gol uradi, men esa assistentlik qilaman. Ammo bugun buning aksi bo‘ldi. Men uchun asosiysi jamoaga yordam berish. Iloji bo‘lsa, gollar bilan yordam berish. Albatta, hammamiz har bir o‘yinda, xoh muhim o‘yin bo‘ladimi, xoh ahamiyatsiz o‘yinda gol urishni yaxshi ko‘ramiz. Murabbiyimizning fikrlarini e’tibordan chetda qoldirmayman va shuning uchun bo‘lsa kerak, bu dublni amalga oshirdim. Men har doim murabbiy so‘raganini qilishga harakat qilaman», - dedi Fernandesh UYEFA rasmiy saytiga.