«Liverpul»ning sobiq futbolchisi Jeymi Karrager Garri Maguayrning muammolari haqida gapirdi.
Eslatib o‘tamiz, «Manchester Yunayted» himoyachisi va sardori joriy mavsumdagi o‘yinlari uchun muntazam ravishda tanqid qilinmoqda. «Uembli»da bo‘lib o‘tgan Angliya terma jamoasining o‘rtoqlik uchrashuvida mahalliy muxlislar Maguayrga nisbatan xushtakbozlik qilishdi.
"Maguayrning muammosi - uning "Manchester Yunayted" kiyinish xonasida o‘ziga bo‘lgan hurmati yo‘qligidadir. O‘tgan yozda Ronaldu kelganidan keyin ulardan qaysi biri sardor bo‘lishi kerakligi haqida bahslar bo‘lgandi. Maguayr o‘zining yetakchilik maqomini tasdiqlash o‘rniga muvaffaqiyatsizlikka uchradi va bu uning o‘yinlariga salbiy ta’sir qildi", dedi Karrager The Telegraph bilan suhbatda.
